15 Beyák yeḻa' waḻe chia' ka to že'n yo dan' nla'an, na' loža'a wdán' chichjla'. Bletjo' neda' ḻo bix̱te yo che yeḻa' got.
16 Zej nyechjle benne' wen da' ẕinnj ka' neda'. Zej nyechjle' neda' ka beko' ka'. Wdídjwgake' ni'a na'a.
17 Wak wlaba' yógo'te žit yoa'a, na' benne' ka' ẕḻé'egeklen', ẕwíazegake' neda'.
18 Bdísgake' ẕa' che chégake', na' ḻawle ẕan' wléjgake' da' gak bian'.
19 San Le', X̱ana' Dios, bi bkwaso' gan zoa'. Nakkzo' Le' yeḻa' waḻe chia', na' gákḻeno' neda'.
20 Beslá be' da' nakkza' ḻo na' benne' wdíe' neda' ya ntoche'. Bennen' žénele' wžía yi'e neda' žone' ka žon to beko'.
