40 Miyaqui moicancuetque para cholojtehuase huan quej nopa huelqui niquintzontamilti.
41 Inijuanti tetzajtzilijque para ma quinpalehuiquij, pero amo aqui huelqui quinpalehui. Quinotzque TOTECO, pero yaya amo quinnanquili.
42 Quej se quitisi talcuajnexti huan quihuica ajacat, na quej nopa niquinchijqui. Huan ininpa nimoquejquetzqui quej soquit ipan ojti.
43 TOTECO nechmanahuijtoc ten nopa sequinoc altepet ehuani cati mosisiníaj huan quinequiyayaj nechtehuise. Yaya nechchijtoc ma nieli niinintayacanca masehualme cati campa hueli ehuani. Masehualme cati amo niquinixmatiyaya hualahuij para nechtequipanose.
44 Quema quicaquij nocamanal, inijuanti nechneltoquilíaj. Cati ehuani ipan sequinoc altepeme huihuipicaj noixpa.
