Text copied!
Bibles in Yatee Zapotec

SALMOS 18:17-29 in Yatee Zapotec

Help us?

SALMOS 18:17-29 in Dižaʼ chaweʼ kub len Salmo kaʼ

17 Beslé' neda' ḻo na'gak benne' waḻe ka', benne' bi ẕḻé'egekle' neda' chawe', na' ḻo na'gak benne' ka' ẕží'igake' chia' neda', benne' ka' zej nakže' waḻe ka neda'.
18 Bdíḻ-ḻengake' neda' katen' wzóa' ḻo da' zedḻe'e, san X̱ana' Dios gókḻene' neda'.
19 Bebeje' neda' gan wyoá'a, na' bzoe' neda' to latje ẕen. Beslé' neda' dan' wyáz ḻaže'e neda'.
20 X̱anžo Dios bebi'e chia' dan' bena' da' naken chawe', na' ka nakkze da' chawen' bebi'e chia',
21 dan' žona' ka žsedle X̱ana' neda', na' bi wléj yichja' Dios chia'.
22 Žona' ka nak da' bchi'le' žo'o, na' bi bsana' diža' ka' da' bdix̱jwe'.
23 Goka' ḻi ḻaže' ḻawe' Ḻe', na' wdape chi'i kwina' nich bi gona' da' ẕinnj.
24 Bebí'i X̱anžo Dios chia' ka nak da' chawe' da' bena', ka nakkze da' chawen' dan' bena' ḻawe' Ḻe'.
25 Žeyache' ḻáže'lo' no benne' žeyache' ḻáže'le' lježe', na' nako' ḻi ḻaže' ḻen bennen' nake' ḻi ḻaže'.
26 Ẕcháḻjḻeno' benne' chawen' da' naken dot chawe', na' gako' snia ḻen benne' wen da' ẕinnj.
27 Yesló' benne' chawen' ḻo da' wžía yin' benách ka', san wzex̱jo' benne' ka' ẕka'n ẕen kwíngake'.
28 Le' wzaljo' yi' chia'. Le', X̱ana' Dios, wza'ni'o chia' gan zoa' ḻo da' choḻ.
29 Yeḻa' wak chio' wžía yin' benne' zanḻe'e, benne' ka' žjake' ḻo wdiḻe. Cha' Le', Dios, sóaḻeno' neda', wak wchinnja' ze'e ka' žape chí'igaken yež ka'.
SALMOS 18 in Dižaʼ chaweʼ kub len Salmo kaʼ