14 Ẕzoe' yeḻa' ẕga'n chawe' ḻo yežlyó chele. Gónnḻi'e chele ẕoa' cháwe'ḻe'e.
15 Žseḻe'e x̱tiže'e chegak benách yežlyó ka', na' ka' gaze žak da' ẕnne'.
16 Ẕwakwe' yežlyó ḻen bege' da' naken ka ẕila'. Ẕzex̱jwe' x̱le'l yel ka de.
17 Žone' ga žex̱jw yej nis ka yejdo' ka'. ¿Noẕ benne' gak soele' da' zag chen?
18 Ẕnnie', na' žeyaken nis. Žone' ga žak be', na' žeyák begen' nis wbá'a.
19 Bzejni'ile' Jakob ka nak x̱tiže'e, na' bdie' da' bsedle', na' da' ka' wnnakze' Ḻe' ḻo na'gak benne' Israel ka'.
20 Bi na' gone' ki che nitó yež yezika', na' benne' yež ka' bi žeyónbia'gake' x̱tiže'e. ¡Ga'n ẕen X̱anžo Dios!
