8 Tayta Diosga fiyupa alli, cuyapäcojmi. Payga juclla manami rabyacunchu. Payga fiyupa cuyacojmi.
9 Tayta Diosga pï-maypäpis allimi. Ima rurashancunatapis cuyarmi rican.
10 Tayta Dios, llapan rurashayquicuna alabaycushunqui. Wiyacushojcuna aduraycushunqui ari.
11 Paycunaga sumaj mandashayquipämi parlanga. Munayniyoj cashpayqui rurashayquicunatapis willaconga.
12 Munayniyoj cashayquita, fiyupa achicyaypa-achicyaycaj munayniqui cashantapis runacunata musyachenga.
13 Gam mandashayquega mana ushacajmi. Mandashayquega imaycamapis maquillayquichömi canga.
14 Tayta Diosga tunejcunata charinmi. Ñacaycajcunatanami alliman churan.
