1 David isquirbishan alabansa. Alabasha cachun imapitapis chapämaj Tayta Diosga. Paymi nogataga yachachiman camaricachiman guërracho pillyanäpäpis.
2 Paymi cuyaman, chapäman. Paymi mas altunnin pacacunä, imapitapis jorgamaj. Paymi chapacuna escüdö. Paymi llapan runacunatapis munaynëman churamun.
3 Tayta Dios, ¿imaraj runaga paypaj yarpachacunayquipäga? ¿Imaraj runaga fiyupa cuyanayquipäga?
4 Runaga juc jämayta cachaycuynöllami. Llantuy päsajnöllami aywacuycanpis.
5 Tayta Dios syëluta chaparaycajta auchirir urämuy. Puntacunata yataycuy goshtay jatarinanpaj.
6 Achicyaypa achicyar räyuchimuy. Chaywan chiquishojcunaga machiypa-machirmi gueshpenga.
