SALMOS 143:6-11 in Yatee Zapotec

SALMOS 143:6-11 in Dižaʼ chaweʼ kub len Salmo kaʼ

⁶Ẕchis na'a ḻawo' Le'. Naka' ka to yežlyó biž, ẕbiḻa' Le'.

⁷Da ka' gaze gákḻeno' neda', X̱ana' Dios. Dan' žedó ḻaža'a bi žel-lo' gákḻeno' neda' nich bi gaka' ka to benne' yoe'e yežw ba.

⁸Zildo' ben ga chejsá' ḻaža'a žeyache' ḻáže'lo' benách chio' ka' dan' žx̱en ḻáže'kza' Le'. Bzejní'il neda' ka žaḻa' gona' dan' žak ḻaža'a gona' da' žaz ḻažo'o Le'.

⁹X̱ana' Dios, beslá neda' ḻo na'gak benne' ka' ẕžá'agake' neda'. Ẕzoa kwina' ḻo no'o nich gape chi'ikzo' neda'.

¹⁰Bsedle neda' nich gona' da' žaz ḻažo'o Le', dan' nako' Le' Dios chia'. Bseḻa' Be' La'y chawe' chio' nich chi'e neda' ḻo nez chawe' chio'.

¹¹Nich gak bian' nako' chawe', X̱ana' Dios, ben choch neda'. Dan' nako' chawe', yesló' neda' ḻo da' žak chia'.

SALMOS 143 in Dižaʼ chaweʼ kub len Salmo kaʼ

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!