3 Bab-Jehová-nug odummomala, ar Bab-Jehováʼdi, dule-nuedid. E-nuggi-namaklegedgi namakmala, ar Bab-Jehováʼdi nued-binsaedgi dulemar-bendakedid.
4 Ar Bab-Jehová Jacob-wagan-egadga-guega susad. Israel-dulemar na egadga imaksad.
5 Nue an wisid, Bab-Jehová, dule-dummadid. Ibmar-bab-dummadyob-imaklemaladba anmar-Bab-Dummad bur bule dule-dummadid.
6 Bab-Jehová bela nibneggi, napneggi, muu-billigangi, degi, muu-billigan-wila-dummagangi e-ibmar-abeged imaked.
7 Bab-Jehová neg-oagnakwiardaed, dii-owiegala mar-odakarmakardaed, burwa e-galugi-bukwadgi barmiardaed.
