1 ¡Le wká'n ẕen La la'y che X̱anžo Dios! ¡Le wká'n ẕene' Ḻe', ḻe'e, wen žin ka' che X̱anžon',
2 ḻe'e zoale ḻo yodo' che X̱anžo Dios, ḻo ḻi'a yodon' gan zoakze Dios!
3 ¡Le wká'n ẕen X̱anžon' dan' nake' chawe'! ¡Le goḻ da' wká'n ẕenle La la'y chie', dan' nake' ži'i ḻaže'!
4 X̱anžo Dios wžíe' ẕa'só Jakob ka'. Wžíe' ẕa'só Israel ka' nich gákgake' benne' chie' ka'.
5 Nnézkzelžo ẕente nak X̱anžo Dios. Nakže' ẕen ka yógo'te dios chegak benne' zi'to' ka'.
6 Žon X̱anžon' yógo'te da' žénele' gone' ẕan ya'abá, na' ḻo yežlyó, na' ḻo nisdo', na' ḻo da' zoan gže' ẕan nisdon'.
