SALMOS 119:88-95 in Eastern Huasteca Nahuatl

⁸⁸ Pampa hueyi moyolo, xinechcahuili ma niitzto. Huan queja nopa nijsenhuiquilis nijchihuas tlen quiijtohua motlajtol.

⁸⁹ TOTECO, motlajtol eltos temachtli para nochipa nepa elhuicac.

⁹⁰ Mojmostla ta titemachtli huan tiitztos temachtli ica nochi tlen tlacajtiyase para nochipa. Cuali ta tijtlatzquilti ni tlali huan queja nopa eltoc.

⁹¹ Nochi tlamantli mocahua campa tiquinnahuati ma eltojca hasta ama ni tonal. Quena, nochi tlamantli tlen tijchijqui mitzneltocaj huan mitztequipanohuaj.

⁹² Intla ax nimopaquilismacatosquía ipan moley, huajca ya nimictosquía ica cuesoli.

⁹³ Ax quema niquinilcahuas motlanahuatilhua, pampa ica motlanahuatilhua tinechmacatoc yancuic chicahualistli.

⁹⁴ Na nimoaxca, xinechmaquixti pampa nochipa nijchijtinentoc tlen quiijtohuaj motlanahuatilhua.

⁹⁵ Yonque nopa tlaixpanoca tlacame motlatise ipan ojtli para nechtzontlamiltise, na san nimoyolilhuijtos tlen motlajtol.