74 Nochi tlen mitztlepanitaj huan motemachíaj ipan ta, paquise quema nechitase, pampa na nimotemachía ipan motlajtol.
75 TOTECO, na nijmati para motlamachtil senquistoc xitlahuac. Huan nopa tlatzacuiltili tlen tinechmacatoc nojquiya xitlahuac, huan nechhualiquilis tlamantli tlen cuali.
76 Huajca ama xinechyoltlalis ica moteicnelijcayo, senquistoc queja tinechilhuijtoc na, nimotlatequipanojca, para tijchihuas.
