62 Tajco yohual nimijquehua para nimitztascamatis por motamachtil cati senquisa xitahuac.
63 Na niquinita quej nohuampoyohua nochi cati mitzimacasij huan mitztepanitaj, huan nochi cati quichihuaj cati quiijtohuaj motanahuatilhua.
64 ¡TOTECO, nochi taltipacti temitoc ica motaicnelijcayo! Technextili nochi cati techyolmelajtoc ma nijchihua ipan nonemilis.
65 ¡TOTECO, tahuel techchihuilijtoc cati cuali na, nimotequipanojca! Techtiochijtoc senquisa quej tiquijtojtoc para tijchihuas.
66 NoTeco, techchihua ma nijmachili cati cuali huan techmaca talnamiquilisti, pampa na niquinneltocatoc motanahuatilhua.
67 Achtohuiya quema ayemo techechcapantalijtoya para techtatzacuiltis, san nimocuapolojtinenqui. Pero ama senquisa nijchihua cati quiijtohua mocamanal.