164 Nimitzhueyimati chicome huelta ipan se tonal, huan nimitztlascamati pampa xitlahuac motlamachtil.
165 Nochi tlen quiicnelíaj moley quipiyaj miyac tlasehuilistli ipan ininyolo, huan ax huetzise ipan tlajtlacoli.
166 TOTECO, tlahuel nimochixtoc para tinechmaquixtis huan yeca niquintlepanita motlanahuatilhua.
167 Na nijneltoca motlajtol huan niquicnelía ica nochi noyolo.
168 Na nijchihua tlen quiijtohuaj motlanahuatilhua huan motlajtol, pampa ta tiquixmati nochi tlen nijchihua.
169 TOTECO, xijtlacaquili tlen nimitztlajtlanía, xinechmaca tlalnamiquistli senquistoc queja tiquijtojtoc para tijchihuas.
