151 Tayta Dios, gamga ñaupallächömi caycanqui. Mandamintuyquega llapanpis rasun cajllami.
152 Unaypita-pachanami musyä estatutuyquicunataga. Chaytaga quiquiquimi camacächishcanqui imay-yajpis cananpaj.
153 Llaquicuycajtaga salbamay ari. Yachachicuyniquitaga manami gongashcächu.
154 Faburnë jatarishpayqui jorgamay. Aunimashayquita cumlir shacyächimay ari.
155 Layniquicunata mana wiyacuptin fiyucunataga manami salbanquichu.
156 Tayta Dios, gamga fiyupami cuyapäcunqui. Alli arriglaj cashayquimanno cawachimay ari.
157 Ñacachimajcuna chiquimajcunaga achcajmi caycan. Chaypis nogaga manami gongaycöchu estatutuyquicunataga.
158 Juchasapacunata ricashpä pasaypami melanäcö. Chay runacunaga palabrayquita manami wiyacunchu.
159 Tayta Dios fiyupami cuyä mandamintuyquicunataga. Cuyacoj cashayquimanno cawachimay ari.
160 Palabrayquega llapanpis rasun cajllami. Alli arriglaj cashayquega imaypis manami rucangachu.
161 Mana rimapaycaptë munayniyoj runacuna gaticachämajtaga manami manchacöchu. Gampa palabrayquitami ichanga manchacö.
162 Aunimashayquiman yäracurmi cushisha caycä. Pamparaycaj guellayta tariycojnörämi cushisha caycä.
163 Llullacuytaga fiyupami pengacö. Yachachicuyniquitaga amatarmi cuyä.
164 Alli arriglaj captiquimi imay örapis gamta alabaycä.
165 Yachachicuyniquita cumlejcunaga cushishami goyan. Paycunataga imapis manami juchaman tunichinchu.
166 Tayta Dios, nogaga mandamintuyqui niycashanno llapantami cumlishcä. Salbamänayquitami munaycä.
167 Nogaga estatutuyquita wiyacömi. Llapan shongöpami cuyä.
168 Nogaga willapämashayquitami estatutuyquitami wiyacö. Gam musyanquimi imano goyashätapis.
169 Tayta Dios, ruwacur mañacamushätaga wiyaycamay. Palabrayquicho caycashanno tantiyaycachimay.
170 Mañacaycämushätaga wiyaycamuy ari. Aunimashayquino salbaycamay.
171 Alabansacunawanmi alabashayqui. Gammi yachachimashcanqui layniquicunata.
172 Aunimashayquipitami alabashayqui. Mandamintuyquicunaga llapanpis allillami.
173 Gamga yanapämänayquipaj listulla caycay. Willapämashayquicunata nogaga llapantami cumliycä.
