1 Omali kayo ta mankanta ya manragsak tako, ipigsa takon pangdayaw takon Diyos Apo. Maiarig sisyas dakdake ay bato ay pankamangan ta maisalakan tako.
2 Emey tako sin sangoanana ay man-iyaman en sisya, manragsak tako ay mangidayaw babaen si kankanta.
3 Tan si Yahweh yan manakabalin ay Diyos ya ari ay nangatngato mo din amin ay sinan didiyos.
4 Iturayana din intiro ay daga manipod sin kaonegan ay liyang enggana sin dontog ay kakayangan.
5 Oka na abe din baybay tan pinarsua na, siya abe din daga ay inamag na.
6 Omali kayo ta mandokmog ya manyakog-ong tako ay mandayaw en Yahweh ay namarsua en datako.
