3 Kehizuwi a, Nengazen, su layun a ebpengumew-umew kenikew.
4 Lipaya a kenikew, Nengazen, is suluǥuen nu su ziyà a te kenikew med-ampù.
5 Tutuu he meupiya ka wey mepineseyluwen, ne utew nu mibmahal is langun he ebpengumew-umew kenikew.
6 Pemineǥa nu, Nengazen, is ked-ampù ku; pemineǥa nu is kebpehizuhizu ku kenikew.
7 Ebpengumew-umew a kenikew te timpu te kelised su edtevaken e man kenikew.
8 Wazà megbevayà he iring kenikew, Nengazen; wazà minsan hentei he ebpekehimu te nengehimu nu.
9 Edsimba kenikew is langun he menge etew ziyà te menge nasyun he midlimbag nu. Ne edeliǥen ke zan.
10 Su mekeǥeǥehem ka, ne egkein-inuwan is menge vaal nu; iyan ke zà Megbevayà.
