13 He Megbevayà, is menge paaǥi nu ne kenà iring te menge paaǥi te zuma. Wazà ebpekerepeng te kegkemekeǥeǥehem nu.
14 Iyan ka Megbevayà he mibaal te egkengein-inuwan. Ibpeehè nu te menge etew is gehem nu.
15 Midlibri nu is menge etew nu he menge kevuwazan ni Jacob wey ni Jose pinaaǥi te ǥehem nu.
16 He Megbevayà, is menge wahig neiring te etew he emun egkeehè ke zin ebpengerkeren te kegkahandek din.
17 Mibusbus te uzan is menge kivel; midruǥung diyà te zivavew ne nengilat diyà te minsan hendei.
18 Ne egkezineg is selenuhug te menge vagyu; is menge kilat neketayew te kelibutan; ne neyunggat is kelibutan.