10 He Megbevayà, sengemenu keluǥayad is kebpeel-elezi te kuntada zey kenikew? Taman en be te taman is ked-un-undaha zan kenikew?
11 Maan is wazè nu pa sikandan siluti? Maan is henduen be te kenè nu edwelengen is menge velad nu? Dèdeeti nu en sikandan!
12 Iyan ka, Megbevayà, hadì dey puun pa zengan, ne kemahabet nu en libriya is menge etew kayi te kelibutan.
13 Pinaaǥi te ǥehem nu neluwisan is tanà diyà te dizalem te zaǥat, iyan ka migevà te menge ulu te zezekelà he menge langgam diyà te zaǥat.
