9 Mezaat is menge lalag dan he igkuntada zan te Megbevayà diyà te langit wey te menge etew kayi te kelibutan.
10 Umbe, minsan is menge etew te Megbevayà edsunud kandan wey ebpengumbenar te egkeǥiyen dan.
11 Ke sikandan te, “Kenà egkesayud is Megbevayà? Wazà hanew te Utew Lavew he Megbevayà.”
12 Iring keniyan is menge lalung he etew, wazè dan igkeliveǥ ne mid-iseg pa is kegkesepian dan.
13 Tenged kayi wazè ku maahà is pulus te kedtinazeng ku wey kedlikey ku te salà.
14 Layun a kenikew ibpaantus, Megbevayè ku; hapit kada meselem is kedsiluti nu kedì.