33 Ebpemineǥen te Nengazen is menge egkaayuayu, ne kenè din egkelipatan is menge etew zin he mibihag.
34 Deliǥa niw is Megbevayà, sikiyu is langun he ziyà te langit, kayi te kelibutan, wey ziyà te zaǥat.
35 Su edlibriyen te Megbevayà is Jerusalem, ne ed-umanan din ebenguna is menge inged diyà te Juda. Dutun ed-ubpà is menge etew zin ne iyan dan ebpekaangken keniyan he tanà.
36 Is menge kevuwazan te menge suluǥuen din iyan ebpekepengevilin kayi, ne sikan is mibmahal kandin ne ebpekeubpà dutun.
