Text copied!
Bibles in Kankanaey

Salmo 68:12-18 in Kankanaey

Help us?

Salmo 68:12-18 in Kankanaey Bible

12 Kanan da, “Din aari ya sosoldado da yan linmayaw da!” Din babbabai ay mantees beey yan panbibingayan da din nataynan ay sanikwa.
13 Mo tomalna kasin di biyag di Israelita yan wada da ay man-ib-ibbay sin kad-an di karnero da, napintas ay kalapati di kaiarigan da, kaman nam-es si balitok din dotdot na ya mankoniniing ay palata din payak na.
14 Diyos ay Manakabalin Am-in, din aari yan en ka nansisianen, kaman andap sin dontog ay Zalmon.
15 Dakdake ay dontog ed Basan ay ad-adoy toktok na.
16 Sik-a ay dontog ay ad-adoy toktok na, apay nga maapal ka sin dontog ay pinilin Diyos ay panteana? Mantees di si eng-enggana.
17 Mo emey ka ay Diyos sin nasantoan ay beey mo, mapo da ed Sinai ay kakoyog mo di kalisam ay niliblibo.
18 Idi nantikid ka ay emey ed ngato, inkoyog moy ad-ado ay inabak mo. Inawat moy sagsagot ay napo sin mangonkontra en sik-a ta makitee ka en daida.
Salmo 68 in Kankanaey Bible