5 Egkasuat is Nengazen he ebaal te metazeng wey hustu. Egkaahà kayi te tivuuk he kelibutan is gaǥew zin.
6 Pinaaǥi te lalag te Nengazen, nehimu is langit: andew, bulan, wey menge vituen.
7 Midtingeb din is wahig te zaǥat he henduen be te intaǥù diyà te gerepun etawa insavuk diyà te budiga.
8 Is langun he etew kayi te kelibutan ereg he edtahud te Nengazen.
9 Su migkaǥi zà sikandin ne nehimu en is kelibutan. Mibmandù dà sikandin ne nehimu is langun.
10 Edèdeetan te Nengazen is pelanu te menge nasyun, ne kenè din idtuǥut he medlampus is menge tuyù dan.
