1 Maan is ed-isipen te menge etew is kedsukul te Nengazen? Maan is ed-isipen dan is wazè din pulus?
2 Is menge hadì wey is menge pengulu kayi te kelibutan, ne midtiǥum dan wey nengandam te kebpekidtebek te Nengazen wey te hadì he mibpilì din.
3 Ke sikandan te, “Kinahanglan he kenè kiw ebpevayàbayà wey ebpesakup kandan.”
4 Piru is Nengazen he ziyà te langit he ebpimpinuu te pinuuwè din te kedhadì, ed-engitan din dà sikandan.
5 Tenged te kegkepauk din, ebpetizeenan din sikandan, egkengehandek dan.
