3 Hentei is egkehimu he edtekezeg diyà te vuvungan te Nengazen? Hentei is ebpekeseled diyà te segradu he valey zin?
4 Iyan sikan is meupiya is ulaula zin wey lumpiyu is isip din, wazà med-azap te zuma he menge ed-ezapen, wey kenà tarù is penangdù din.
5 Edtuvazan wey ed-isipen sikandin he metazeng te Nengazen, is Megbevayà he menluluwas din.
6 Iyan heeyan kelasi te etew he egkehimu he ed-aput wey edsimba te Megbevayà ni Jacob.
7 Puwasi is kezaan he menge ǥemawan duen te valey te Megbevayà su para mekeseled sikan is mekeǥeǥehem he Hadì.
8 Hentei ves heini is mekeǥeǥehem he Hadì? Iyan sikandin sikan is Nengazen he mezesen wey melig-en he ebpekidtebek.
9 Puwasi is kezaan he menge ǥemawan duen te valey te Megbevayà su para mekeseled sikan is mekeǥeǥehem he Hadì!
10 Hentei ves heini is mekeǥeǥehem he Hadì? Iyan sikandin sikan is Nengazen he Mekeǥeǥehem. Uya, iyan sikandin is mekeǥeǥehem he Hadì.
