11 Tatoo ge makang di ku Dabid, na laam nawì i fakangam, i tagmanam, “Nimògu harì satu di dad ngaam, na kenen i harì tmadol di ge.
12 Ku nafè i dad ngaam lagi i tafakanggu di gamu na nimenla i kdee tdògu dale, nun di bella lagi kadang mbaling harì tmadol di ge kel di landè sen.” Én i fakangam di ku Dabid.
13 Mgalék Amuito Dwata i banwe Sion, du kayean mnè ditù,
14 na manan, “Ani i gumanakgu kel di landè sen, du kayègu ku dini gumnègu.
15 Blégu di dad to di Sion i kdee kanlidùla; balù i dad to landè knun, fabsolgu ale knaan.
16 I dad bàyu di deg mebe i kagalwà di salà mdà di deg, na mkit i kdee togu di klehewla.
17 Nimògu harì di Sion satu bel Dabid, na tangalgu na flawilgu kagot i harì mgalékgu.
18 Toogu fyà i dad to dmuen kenen, bay too nun kafye i kenen kagot, gambet too mneng i kyangenan.”
