3 Di kimòla Dyérusalém, fansela nimò i syudad too fye baweh na too sgat i dad gumnean.
4 Dini i gusalu dad to i Amuito Dwata, i dad sahal lumbuk bel Israél. Salu ale dini du mlé ale fye di kenen, du én i gmanan dale.
5 Dini gumukum i kat harìla, i gumnè bel Harì Dabid di bangla magot.
6 Dmasal gamu di Dwata na mni gamu du fye nun ktanak di syudad Dyérusalém, manyu, “Begam banlé fye knè i dad to mbong nawa Dyérusalém.
7 Mlé ge ktanak di lam i syudad ani, mulà moon landè fsasè i dad to mnè dini na i dad to mebe i banwe ani.”
