69 Domadael ya omipalawlawa din mangit-it-ek si awak da, ngem ipakat ko amin ay kabaelak ta din bilbilin mo di onodak.
70 Din kalim, adi da maawatan, ngem sak-en pay et say enak panragsakan.
71 Pansigdak din dosa ay indawat mo, tan begew isdi, maawatak din linteg mo.
72 Nabanbanol en sak-en din en ka initdo, mo din balitok ya palata ay kalibolibo.
73 Pinarsuam ya inayowanam sak-en si kosto, isonga idawat mo kod di laing ko ay mangawat sin bilbilin mo.
