100 Bong fa i kaglabatgu di kaglabat i dad tua, du nimengu i dad tdoam.
101 Niwasgu i kdee sasè nimò, du fye mgimengu i tnaluam.
102 Làgu nlifet i dad flaum deg, du ge sa i tamdò dun di deg.
103 Too fye di deg i dad fakangam, fye fa di kafye nem i tnab too mi.
104 Mdà di dad tdoam, matnù i kaglabatgu, én duengu too mnang nawa i dad sasè nimò.
105 I tnaluam gambet i salò tmuyal i dalangu, du fiten di deg i fye dalan gumagugu.
106 Too matlu i dad flaloam; tamakang agu mimen dun, na toogu dnohò i fakanggu.
107 Amugu Dwata, too sasè kaflayam nagugu ani; begam agu banlé i nawa tafakangam di tnaluam.
108 Dnawatam i dasalgu dmayen ge, na tdoam deg i dad flaloam di dad to.
