6 Lalo duhu tauna basine diba, kavakava tauna lalona basine parara:
7 ena be kara dika taudia na bae vara rei na heto, ena be kara havara taudia na bae tubu, to bae bua tari hanaihanai.
8 A oi, Iehova e, na atai ai hanaihanai;
9 Iehova e, oi inaimu ba itadia. A itaia, oi inaimu bae mase ore, kara dika taudia iboudiai bae karoho.
10 A oi ese egu doa vada o duduia isi, uda boromakauna maruanena doana na heto; dehoro matamata na latagu ai vada o seia.
11 Lau matagu ese inaigu ihadareredia vada e itaia, bona lau taiagu ese e kara havara henigu taudia ihabua-taridia reḡedia vada e kamonai.
