15 Oi ese tano oi hapararaia, ranu do ia lohilohi, bona do ia heau lao totona, bona nega daudau idia heau vadaeni sinavai, be oi ese oi hakaukaua.
16 Oi ese dina bona hanuaboi oi karaia. Oi ese dina bona hua, be edia gabu dekenai oi atodia.
17 Oi ese tano edia hetoa ibounai oi karaia. Oi ese lahara ena nega, bona laurabada ena nega danu oi karaia.
18 To Lohiabada e, oi dekenai idia tuari noho taudia ese, oi dekenai idia kirikiri be mani do oi laloa. Oi dekenai idia gari lasi bese taudia ese, oiemu ladana idia hadikaia noho.
19 Mani emu kara, oiemu bese taudia do oi rakatania lasi. Dagedage taudia ese ai idia hadikaia noho, be do oi laloaboio lasi.
20 Oiemu gwauhamata taravatuna, ai danu oi karaia gauna do oi laloatao noho. Badina be inai tano ena dibura gabudia ibounai dekenai, dagedage karadia idia vara noho.
