5 Lau ese Dirava sibona lau abidadama henia noho. Lau ese ia sibona mai abidadama danu lau naria noho, ia ese lau do ia hanamoa totona.
6 Dirava sibona be egu Nadi Badana, bona egu mauri davaria dalana. Ia be egu kohoro, bona lau be nega ta do lau mareremarere lasi.
7 Egu mauri bona egu kwalimu, be Dirava sibona ese ia henia noho. Ia sibona be egu Nadi Badana momokani, bona egu mauri davaria dalana.
8 Taunimanima e, nega ibounai Dirava do umui abidadama henia. Emui kudouna edia ura gaudia, be ia dekenai do umui hamaoroa, badina Dirava be iseda heau mauri gabuna momokani.
9 Dagi maragi taudia be hahodi ta sibona bamona, ma dagi bada taudia be anina lasi. Metau tohoa sikele dekenai idia be metau lasi momokani. Edia metau, be hahodi tamona ena metau hegeregerena sibona.
