29 Tau dudurai abo oea i abi enana, eo abo arinai i mia i lau e nige nosina.
30 Tau dudurai awana eai riba sonoga i hepesadi, memenana abi dudurai i ribaribaedi.
31 Ena GUIAU ena laugagaeo ia nuana eai; ena abalau eai taba nige i utusagigi.
32 Tau gewagewa tau dudurai i itasipoi, eo i aipate bena i unui.
33 GUIAU taba nige i abigabaei ia nimana gigiborina eai, eo abahedudurai eai taba nige se hegiru.
34 GUIAU u bagibagiei, eo ena dobila u abididini, ia hinage abo i abiisinim, eanua abo oa enam; tau laulau gewagewa tauna abo u ita se tomgabaei.
35 Tau laulau gewagewa ea ita i gigibori ariri, i sae ariri doha Lebanona maruwaina esau.
36 Huia esau ea baeawa ea lau, na hedeomi, ia nei eai nige’e, ea eo’oi komakomani, na taba nige ea lobai.
37 Tau nige abahegiruna u italau arinai, eo tau dudurai u ita, manabiga tauna abo ana isimurita.
38 Na tau awayagara abo se unuidi, adi isi murita abo se tomgabaedi.
39 Tatao duduraidi edi mauri abo se abi GUIAU arinai, huia baea eai edi abahomo ede ia arinai.
