1 Tau wa ena awayagara se ribagigiri, ena baaea se bubulitawai, ia ie kode!
2 Tau wa nige ana giru GUIAU matana eai, earuana eai nige abiborabora, ia ie kode hinage!
3 Huiana ne egu baaea nige ea hemasaraha, taugu se porohe ariri, asubena maudoina ea lepalepa.
4 Asubena to maiona nimam potagu eai i porohe ariri, egu adidiri ie ohi, doha siwaro lailai eai gigibori huiana eai.
5 Oa arim eai egu beaea ea hemasaraha, eo egu ponori nige ea toreamui; ea ene, “Egu awayagara wa abo ea ribahemasaraha GUIAU arinai,” abotai egu baaea giruna u ribagigiri.
6 Arinai isi nuadi se ota esegai taba gamagaridi se uura arim eai; huia baaea eai, abaita ena huia didi eai, isi taba nige se hearo.
7 Oa egu ababawayamui ede, piripiri aridi eai u ganahetaiirigu, aridi eai u lebohaigu.
8 Abo ea heatam, em dobila abo ea heitam arinai bena u lau; abo ea lauhasahasaim, matagu ede oa potam eai.
9 Oa tabu em abi doha hosi e doha mule, isi nige edi sibasiba; arinai se paidi, eo awadi eai abawoeawoeaidi se heapudidinidi bena abo se awa’abiem.
10 Tau laulau gewagewa ena nua’amamna se gamagari ariri, na gadosisi miatahitahina GUIAU tausunumaena abo i hetaiiri.
