6 Egu hisihisi ai Iehova na boi henia; egu Dirava na tai henia, baine durugu nato. Ena dubu ai lau gadogu e kamonai; egu taitai na ia taiana ai e kau.
7 Una negana ai tanobada e laga, e heude-heude, ororo badidia danu e heude-heude, e marere-marere, badina be ia vada e badu.
8 Kwalahu na ia uduna matudia amo e dae, Iahi siahuna na ia uduna amo e lasi, lahi hururu-hururudia na iena amo ema.
9 Guba e beua tari, bena e diho; dibura badana na ia aena henudiai.
10 Kerubi ai e gui, e roho lao; lai hanina amo e roho haraḡa-haraḡa.
11 Dibura na e hekoulaia, dagadaga dubana e hetarulaia.
