6 Efrata ai sivaraina ta kamonai, Iara umadia ai ta davaria.
7 Ena noho gabuna aitala, aena ihadaina ḡauna vairanai baita toma diho.
8 Iehova e, a tore isi, emu laḡa-ani gabuna baola, oi bona emu siahu mauana helaḡana.
9 Emu hahelaḡa taudia na kara maoromaoro bae hahedokilai; emu helaḡa taudia na bae hisi dae.
10 Emu hesiai tauna David bagunai, vada o horoa tauna ena amo basio mede kerehai.
11 Iehova ese gwauhamata aukana David e henia, unu amo ia na basine lou. Eto: Natumu adorana ta emu terono ai baina hahelaia.
