1 Iehova ese ruma basinema haginia negana ai, e haginiamu taudia na bema hekwarahi kava; Iehova ese hanua basinema gimaia negana ai, gima taudia na bema noga kava.
2 Asi anina daba ai o tore boiboimu, e laomu bona hanuamu e boimu, bena lagamu o animu, murinai lalo-hekwarahi anidia o animu; badina be ia ese ena lalokau taudia na mahuta e henidiamu.
3 A itaia, memero na Iehova ena herahia, boga anidia na ena harihari ḡaudia.
4 Eregabe tauna natuna na tuari tauna imana dibadia na heheto,
5 ena diba pauana e honumu tauna na e moalemu. Hanua ikoukouna ai ia inaina ida bae hereva negana ai, tau ta ese basine hahemaraia.
