4 Buur di àtte néew-ji-dooley xeet wi, di wallu doomi néew-ji-doole tey dëggaate kiy nennoo.
5 Yal nañu la wormaal feek jant biy am, feek weer wiy feq, sët ba sëtaat.
6 Yal na Buur di xéewalu réewam nib taw cig ruujeef, mbaa waame wuy suuxat suuf.
7 Janti Buur aji jub day woomle, te ba keroog weer wiy fey, jàmm di law,
8 mu yilif géej ba géej ak dex ba ca cati àddina.
9 Waa màndiŋ mi di ko sukkal, ay noonam mëq suuf,
10 buuri Tarsis ak dun ya di ko indil ay galag; buuri Saba ak Seba di ko yótsi yóbbal,
