2 Yàlla doŋŋ ay dalal sama xel, moo may wallu.
3 Moom doŋŋ mooy sama wéeru-mucc, di ma rawale, ba duma sànku!
4 Xanaa dungeen bàyyee songandoo nit, nar koo sànk, ni kuy màbb tabax bu joy, mbaa ngay bàddi per mu ràpp?
5 Seeni mébét, wàcce boroom daraja doŋŋ; yeena ngi bége ay fen, seeni kàddu diw yiw, seen xalaat diy saaga. Selaw.
6 Yal na Yàlla doŋŋ di dalal sama xel, moom mi ma yaakaar.
7 Moom doŋŋ a di sama cëslaay, di sama wall, di sama rawtu, duma tërëf.
8 Yàllaa may musal, di ma sagal, ma di ko doolewoo. Sama kiiraay, Yàllaa!
9 Bokk yi, wóoluleen ko fu ngeen tollu, diisleen ko seen xol, Yàllaay sunu kiiraay. Selaw.
