3 Natt nga saab xol, niir ma guddi, settantal ma, gisoo dara. Dogu naa ne duma moye wax.
4 Su may jëf it, di sàmm sa kàddu. Maay moyu yoonu ku bon.
5 Sa tànk, sama tànk, jàdduma fenn.
6 Éy Yàlla, maa lay woo, nga di ma wuyu; teewlu ma te déglu ma!
7 Na sa ngor feeñ, yaw miy walloo sa doole ku la làqooy noonam.
8 Sàmm ma ni peru bët; làqe ma sa ker,
9 ma rëcc ñu bon ñi ma song, noon ñii ma gaw, nar maa bóom.
10 Seen xol dàq yërmande, seeni wax di reewande.
11 Tanc nañu nu fépp, ne nu jàkk, nar noo tëral.
12 Mbete gaynde gu namma fàdde, gaynde gu mat guy tëroo!
