92 Su ma bégewuloon saw yoon, sànkoo sama toskare ji.
93 Duma fàtte mukk say tegtal, ci nga may musale.
94 Yaa ma moom, wallu ma; say tegtal laay sàkku.
95 Man la ñu bon ñi tëru, nar maa sànk, waaye sa kàdduy seede laay niir.
96 Gis naa ne lu mat lu ne am na kemu, waaye sa santaane mat ba wees kemu.
97 Maaka sopp saw yoon, di ko jàngat bés bu jot.
98 Li ma xelal ba ma raw noon yi, mooy sa santaane, yi ma jagoo fàww.
99 Maa gëna ñaw képp ku may jàngal, nde sa kàdduy seedeey sama njàngat.
100 Maa ëpp mag ñi dég-dég, nde say tegtal laa topp.
101 Luy yoon wu aay, ma moyu, ba mana sàmm sa kàddu.
