38 Àpi sↄ̃ ń wɛ̃nda gwà, à ń durun kɛ̃̀ńnɛ, èe ń kaatɛro. Ègↄ̃ a zĩnda pↄfɛ̃ kpaɛɛ baabↄrɛ, è a pɛ̃tɛ̃pitammana ↄzã gba.
39 À ń gbɛ̃nteekɛɛ dↄ̃̀ḿma, kɛ̀ aↄ̃è gɛ̃tɛ suna sai lán ĩa bà.
40 Aↄ̃ swãgbãaa kɛ̀nɛ gbáan gɛ̃̀n ũgbangba! Aↄ̃ à pↄↄ yàka sɛ̃̀tɛ gwe à kɛ̀ bíta.
41 Aↄ̃ Luda yↄ̃̀ wà gwà, aↄ̃ Luda yↄ̃̀ wà gwà, aↄ̃ Isarailinↄ Luda kɛ̀ kú adona pↄↄ fɛ̃̀.
42 À iko gbãaa sã̀ńgu, lán à ń sí ń ibɛɛnↄa nà,
43 lán à dabuyãnↄ kɛ̀ Igipiti nà, bensↄ̃ à yãbↄnsaɛnↄ kɛ̀ Zoã bùsun.
44 À ń swa ínↄ lì aru ũ, ben aↄ̃ↄe fↄ̃ wà à í mì dↄro.
