21 Kɛ̀ Dii yã pì mà, à pↄ fɛ̃̀, ben tɛ́ fɛ̀ɛ à dà Yakubu boriinↄla, à pↄfɛ̃ pìta Isarailinↄa.
22 Zaakɛ aↄ̃ↄe Luda yã síro, aↄ̃ↄe à mìsina gbãa náanɛ kɛro.
23 Baa kↄ̃n beeeo à yã dìɛ bàtumanɛ, à musu zɛ́ wɛ̃̀,
24 ben à mana kwɛ̀ɛńnɛ aↄ̃ↄ blè, à pↄ́blee kɛ̀ bↄ̀ musu kpàḿma.
25 Aↄ̃ malaikanↄ pↄ́blee blè, à kũsãɛ kɛ̀ńnɛ, à gɛ̃̀ ↄla.
26 À tò ĩa gbãaa bↄ̀ ↄfãntɛ̃bↄɛ kpa, à pɛ̀ sↄↄmɛtɛ kpa ĩaa dↄ kↄ̃n a gbãaao,
27 ben à nↄ̀bↄ kwɛ̀ɛńnɛ pari lán lutɛ̃ bà, bãanↄ dàńla lán ísialɛ bùsu'ãatɛ̃ bà.
28 À tò aↄ̃ pìtapita ń bùran, aↄ̃ gↄ̃̀ káɛ ligana ń kpɛ́nↄzi.
29 Luda pↄ́ kɛ̀ aↄ̃ↄe à ni dɛɛnↄ kpàḿma, ben aↄ̃ↄ blè wà kã̀ gíngin.
