18 Baa kɛ̀ ma zi kũ̀, ma mìkã pura, ǹton ma tónlo, Luda, lɛ mà e mà n gbãaa tↄ̃kɛ̃ tiadeenↄnɛ, mà n gbãakɛyã da gbɛ̃ kɛ̀ aↄ̃ↄe fɛɛnↄnɛ ń píngi.
19 Luda, n maakɛna zↄ̃̀ sↄsↄnɛnↄa, n yã bíta kɛ̀, dén weé lɛ́kↄ̃zinyo?
20 Ń tò nawɛ̃a pãsĩ ma le paripari, mↄde nɛ́ ɛara ǹ ma gba wɛ̃̀ndi dↄ, nɛ́ ɛara ǹ ma bↄ tↄↄtɛ guu.
21 Nɛ́ ma bɛ̀ɛ kaaramɛ, nɛ́ ɛara ǹ ma làakari kpáɛmɛ dↄ.
22 Ma Luda, mɛ́ n sáabu kpá kↄ̃n mↄrↄo n náanɛkɛɛ yãnzi. Isarailinↄ Luda kɛ̀ ń kú adona, mɛ́ n táaki lɛ́ kↄ̃n kungidio.
