15 Ǹton tó ísↄ̃ ma blero, ǹton tó mà kpáɛ í lↄ̀nlo, ǹton tó wɛ̀ɛ tatamalɛro.
16 Ǹ wemala Dii, zaakɛ n gbɛ̃kɛɛ maa, ǹ aɛ dↄma n sùu bíta guu.
17 Ǹton mìkpɛɛ zu n zↄ̀blerinɛro, ǹ wemala kpakpaa, zaakɛ ma gↄ̃ kagurakɛna.
18 Ǹ sↄ̃mazi ǹ ma mì sí, ǹ ma faaba kɛ ma ibɛɛnↄ yãnzi.
19 Ń ma sↄ̃sↄ̃na dↄ̃ kↄ̃n ma wídammao kↄ̃n ma kpɛbↄnao, nɛ́ɛ gbɛ̃ kɛ̀ aↄ̃ↄ ma kũna yãonↄ ee.
20 Sↄ̃sↄ̃na ma swɛ̃̀ zↄ̃̀, ma gↄ̃ gbãaa sai, gbɛ̃ kɛ̀ eé ma wɛ̃nda gwaan má wɛ̀tɛ, mɛ́ɛ ero, gbɛ̃ kɛ̀ eé ma nↄ̀sɛ kpáɛmɛɛn ma wɛ́ɛ dↄ̀zi, à kuuro.
