1 Dauda lɛ̀. Wè sí kↄ̃n mↄrↄnↄmɛ. Luda, ǹ ma aduakɛna ma, ǹton lá kú ma yãlaro.
2 Ǹ swã kpá ma yãzi ǹ wemala, ma laasuu ma likↄ̃a ma gↄ̃ bídi guu
3 ma ibɛɛnↄ yã'ona yãnzi kↄ̃n gbɛ̃ zaaanↄ wɛ́ɛbiimanao, zaakɛ aↄ̃ↄe ĩa daama, aↄ̃ↄ ma kũna kↄ̃n pↄfɛ̃o.
4 Swɛ̃̀ kɛ̃̀magu, ga vĩa gɛ̃̀magu.
5 Vĩa ma kũ, mɛ́ɛ lugalugaa, ma ninii dà batan.
6 Tó má dɛ̀bɛ vĩ lán pↄ̃tɛ̃ɛ bà, lɛ mɛ́ vĩa mà gá kámma bo,
7 mɛ́ bàa lɛ́ mà gá zã̀azã, mɛ́ gá mà vɛ̃ɛ gbáan.
8 Mɛ́ wã mà gá mà utɛkii wɛtɛ, lɛ zàga'ĩa gbãaa tón ma lero yãnzi.
9 Ǹ ń yã gboro, Dii, ǹ ń yã yãkↄ̃tɛńnɛ, zaakɛ má è zↄka kↄ̃n swèeo kú wɛ́tɛ guu.
10 Aↄ̃è kpáɛ kɛ bĩi musu fãantɛ̃ kↄ̃n gwãavĩo, yã zaa kↄ̃n yã gbãaao di wɛ́tɛ guu.
11 Gbɛ̃dɛdɛyã bé à wɛ́tɛ pì pà, gbãamↄnnɛna kↄ̃n mↄnafikio è kɛ̃ à gãalɛro.
12 Tó ma ibɛɛ bé èe ma sↄ̃sↄ̃ↄ yã, mɛ́ mɛna, tó ma zanguri bé à fɛ̀ɛmazi, mɛ́ utɛnɛ.
13 Mↄde ḿbeee, mmↄn kɛ̀ wá sáa, ma gbɛ̃ndoo, ma gbɛ̃nna!
14 Weè fàadi bo kↄ̃o yã nnanna, weègↄ̃ tɛ́kↄ̃zi parii tɛ́ Luda ua.
15 Gaa é zãmba kɛ ma ibɛɛnↄnɛ, aↄ̃é si gɛ̀wãan ń gbãagurↄ, zaakɛ zaaa vɛ̃ɛkii è ń guu.
16 Mapi sↄ̃, mɛɛ̀ Luda sísi, Dii è ma mì sí.
17 Kↄngↄ, fãantɛ̃ kↄ̃n uusiɛo mɛɛ̀gↄ̃ ma yã'ↄ̃ammanↄ bↄɛɛnɛ kↄ̃n m̀bnao, bensↄ̃ è ma yã ma.
18 Baa kɛ̀ ma ibɛɛnↄↄ pari, è ma sí à ma bↄ swèen aafia.
19 Luda ègↄ̃ vɛ̃ɛna kpatan gurↄ píngi, eé ma yã ma, eé wí daḿma, zaakɛ aↄ̃è ń dà liɛro, aↄ̃ↄ Luda vĩa vĩro.
20 Ma gbɛ̃ pì swèe kɛ̀ kↄ̃n a gbɛ̃nↄo, à bↄ̀ lɛdolɛ kɛ̀ aↄ̃ↄ kɛ̀ kↄ̃o kpɛɛ.
