5 Mira bànↄ lìgamazi, gaa takutɛɛ kpàkpamɛ ma aɛ.
6 Kɛ̀ má kú nawɛ̃a guu, ma Dii sìsi, ma wii pɛ̀ ma Ludazi, ben à ma kòto mà zaa a bɛ, ma wiii kà à kiia, à gɛ̃̀ à swãn.
7 Tↄↄtɛ lùgaluga à nìgãnigã, kpiiinↄ dègedege ai ń kãsãan. Aↄ̃ lùgaluga kɛ̀ à pↄ fɛ̃̀ yãnzi.
8 Tɛ́sukpɛ bↄ̀ à yĩzĩ, tɛ́ kɛ̀ è ń kpata bↄ̀ à lɛ́n, à yↄ̃̀nↄↄ e tɛ́ kɛɛ à aɛ.
9 À musu wɛ̃̀ à pìta, lou sìsi à gbá gĩzĩ.
10 Èe vĩaa dina kɛrubu kpɛɛ, èe yàa paa ĩala.
11 À gusiaa dà a zĩndala, ludambɛ sia kũ à kúkiila.
12 Zaa à gakui tɛ́kɛna guu lou e sisii, lougbɛ e kwɛɛ, lou e pii pãsĩpãsĩ.
13 Dii pàta zaa musu, Luda Musude kòto dↄ lapatana ũ.
14 À kà fã̀ ma ibɛɛnↄa à ń fãakↄ̃a, à tò lou pìḿma à pɛ̀ḿma.
15 Kɛ̀ n pataḿma, Dii, kɛ̀ n pↄ́ bↄ̀ n yĩzĩ, ísiaa tↄↄtɛ bↄ̀ gupuraaa, anduna kãsãa gↄ̃̀ kaɛna pↄ̃tɛ̃.
