2 Amↄa kɛ̀ eè zĩi kɛ wa Dii bɛnↄ, a gbɛ̃ kɛ̀ eègↄ̃ zɛna wa Luda uanↄ.
3 À Dii tↄ́ bↄ, zaakɛ à maa, à à táaki lɛ́, zaakɛ beee bé à nna.
4 Dii Yakubu boriinↄ sɛ̀ a pↄ́ ũ, à Isarailinↄ dìɛ a gbɛ̃ yenzideenↄ ũ.
5 Má dↄ̃ kɛ̀ Dii bíta, wa Luda bé à dɛ tãanↄla ń píngi.
6 Dii è yã kɛ̀ à yezi kɛ musu kↄ̃n tↄↄtɛo, ísiaanↄ guu kↄ̃n a lↄ̀nↄo.
7 È tó lou sisi ai anduna lɛ́zɛkiia, è tó lou ma kↄ̃n à pinao, è bↄ kↄ̃n zàga'ĩao a pↄ́kaɛkiin.
8 À Igipiti daudunↄ dɛ̀dɛ kↄ̃n pↄ́kãde nɛ́ káakunↄ píngi.
9 À sèedanↄ kↄ̃n dabuyãnↄ kɛ̀ Igipiti, à wɛ́ɛ tã̀ Fili'aunaa kↄ̃n a ìbanↄ ń píngi.
10 À boriinↄ kàatɛ pari, à kína gbãadeenↄ dɛ̀dɛ,
11 Amↄrinↄ kí Siↄ̃ kↄ̃n Basã kí Oguo kↄ̃n Kanaa bùsu kínanↄ ń píngi.
12 À ń bùsu sì à kpà a gbɛ̃ Isarailinↄa túbi ũ.
13 Dii, n tↄ́ ègↄ kuu gurↄ píngi, Dii, n yã égↄ̃ dↄ gbɛ̃nↄn ai wa boriia.
14 Zaakɛ Dii é tó a gbɛ̃nↄ bↄ maa, eé a zↄ̀blerinↄ wɛ̃nda gwa.
15 Boriinↄ ń tãanↄ pì kↄ̃n kondogio kↄ̃n vurao, gbɛ̃ntee ↄzĩinↄmɛ.
16 Aↄ̃ lɛ́ vĩ, mↄde aↄ̃è yã oro, aↄ̃ wɛ́ɛ vĩ, mↄde aↄ̃è guu ero,
17 aↄ̃ swã vĩ, mↄde aↄ̃è yã maro, aↄ̃è wesaa boro.
18 Aↄ̃ pìrinↄↄ sɛ̃nkpɛńyomɛ kↄ̃n gbɛ̃ kɛ̀ aↄ̃ↄ tɛ́ńzinↄ ń píngi.
19 Isarailinↄ, à Dii sáabu kpá! Aruna boriinↄ, à Dii sáabu kpá!
20 Levi boriinↄ, à Dii sáabu kpá! Dii vĩakɛrinↄ, à Dii sáabu kpá!
