40 Má ye n ↄdↄkiizi fá, ǹ ma wɛ̃̀ndi dãkpa n maakɛɛ guu.
41 Dii, ǹ mↄ́ ǹ gbɛ̃kɛɛ kɛmɛ, ǹ ma mì sí lán ń ò nà,
42 gbasa mà yã sí ma sↄ̃̀sↄ̃rila, zaakɛ mɛ́ɛ n yã náanɛ kɛɛ.
43 Ǹton yãpura yã sí ma lɛ́nlo, zaakɛ n yãzɛdeen má wɛ́ɛ dↄzi.
44 Mɛ́gↄ̃ n doka kũna ai gurↄ píngi,
45 Mɛ́gↄ̃ tɛ́ aafia, zaakɛ ma n ↄdↄkii wɛ̀tɛ.
46 Mɛ́ n yãnↄ o kínanↄ aɛ, wí é ma kũ sↄ̃ro.
47 N yãdiɛnanↄ è kɛ ma pↄↄnɛ, zaakɛ má ye yã pìnↄzi.
48 Ma gã̀ sɛ̀ n yãdiɛna kɛ̀ má yezinↄnɛ, mɛɛ̀ laasuu lɛ́ n yãdannɛnanↄa.
49 Ǹ dↄ yã kɛ̀ ń ò n zↄ̀blerinɛn, zaakɛ ń tò ma wɛ́ɛ dↄzi.
50 Yã kɛ̀ è ma làakari kpáɛ ma nawɛ̃akɛnan yɛ̀, n lɛ́gbɛ̃na bé è ma wɛ̃̀ndi dãkpa.
51 Wadadeenↄↄ e ma faboo yãana sai, baa kↄ̃n beeeo mɛɛ̀ zã n dokaaro.
52 Mɛɛ̀ dↄ n dokayã kɛ̀ kú zaa ziinↄn, ben aↄ̃è ma nↄ̀sɛ yĩi kũmɛ, Dii.
