5 Bɑɑ dĩɑ ni nu wɔrumɑ sɑnɑm mɛ i gɛ̃ɛmɔ mɑ nu kpiɑ kɑ tii, i ǹ nu gɛ̃ɛmɔ. I ǹ mɑɑ resɛm sɔrimɔ ye yɑ kɑ tii mɑrɑ. Domi bɛɛn gbeɑ yɑ koo wɛ̃rɑwɑ mɑm mɑm wɔ̃ɔ ge sɔɔ.
6 Adɑmɑ wɔ̃ɔ wɛ̃rɑruguu ge sɔɔ, ye yɑ kpiɑ kɑ tii, yerɑ i ko i di bɛɛ kɑ bɛɛn sɔm kowobu kɑ bɛɛn yobu kɑ sere mɑɑ sɔɔ be bɑ wɑ̃ɑ bɛɛn suunu sɔɔ
7 kɑ bɛɛn yɑɑ sɑbenu kɑ gbeeku yɛɛ. Ye tem mɛ, mu koo kpi yerɑ i ko i di.
8 I ko i wɔ̃ɔ nɔɔbɑ yirun subɑ nɔɔbɑ yiru deriwɑ yu doonɑ. Ye kpuro yɑ sɑ̃ɑwɑ mi, wɔ̃ɔ weerɑɑkuru tiɑ sɑri.
