ሮሚያ 10:8-16 in Dawro

⁸ ሺን ኢ ጊያዌ ሃዋ፤ ‹ፆሳ ቃላይ ኔ ማታና፤ ኔ ዶናኒኔ ኔ ዎዛናን ዴዔ› ጌቴቴዳ» ያጌ። ሄዌካ ኑኒ ሂንቴንቶ ኦዲያ ኣማኑዋ ቃላ።

⁹ ኔኒ፥ «ዬሱሲ ጎዳ» ጋዴ ኔ ዶናን ማርካቶፔ፥ ቃሲ ፆሳይ ሃይቁዋፔ ኣ ዴንꬄዳዋ ኔ ዎዛናን ኣማኖፔ፥ ኔኒ ኣታና።

¹⁰ ኣዪሲ ጎፔ፥ ኣሳይ ባሬ ዎዛናን ኣማኒዴ ፂሌ፤ ባሬ ዶናንካ ማርካቲዴ ኣቴ።

¹¹ ፆሳ ማፃፋይ፥ «ኣኒ ኣማኒያ ኦኒኔ ዬላቴና» ያጌ።

¹² ኣዪሁዳ ኣሳኔ ኣዪሁዳ ጊዴና ኣሳ ጊዶን ዱማቴꬃይ ባዋ። ኢቲ ፆሳይ ኡባ ጎዳ፤ ኢ ባሬና ፄሲያ ኡባቶ ዳሮ ኬካ።

¹³ ኣዪሲ ጎፔ፥ ፆሳ ማፃፋይ፥ «ጎዳ ሱንꬃ ፄሲያ ኦኒኔ ኣታና» ያጌ።

¹⁴ ያቲና፥ ኡንቱንቱ ኣ ኣማኒቤናዋንታ ጊዶፔ፥ ዎቲ ኣ ፄሳናው ዳንዳዪኖ? ቃሲ ቃላ ሲሲቤናዋንቱ ዋኒ ኣማናናው ዳንዳዪኖ? ቃላ ኦዲያዌ ꬋዮፔ፥ ኡንቱንቱ ዋኒ ሲሳናው ዳንዳዪኖ?

¹⁵ ቃሲ ቃላ ኦዲያዋንቱ ኪቴቴናን ኣጎፔ፥ ኦሱ ዎቲ ኦዴታናው ዳንዳዪ? ኣዪሲ ጎፔ፥ ፆሳ ማፃፋይ፥ «ናሼቺያ ሚሺራቹዋ ኦዲያዋንቱ ዩሳይ ዎቲ ሎዒ!» ያጌ።

¹⁶ ሺን ኡንቱንቱ ኡባይ ዎንጋላው ኣዛዜቲቤይኪኖ፤ ኣዪሲ ጎፔ ኢሲያሲ፥ «ታ ጎዳው፥ ኑኒ ማርካቴዳዋ ኦኒ ኣማኔዴ?» ያጌዳ።

⁸ Shin I giyaawe hawaa; ‘Xoossaa qaalay ne mataana; ne doonaaninne ne wozanaan de7ee’ geetetteedda” yaagee. Hewekka nuuni hinttenttoo odiyaa ammanuwaa qaalaa.

⁹ Neeni, “Yesuusi Godaa” gaade ne doonaan markkattooppe, qassi Xoossay hayquwaappe A dentheeddawaa ne wozanaan ammanooppe, neeni attana.

¹⁰ Ayissi gooppe, asay bare wozanaan ammaniide xillee; bare doonankka markkattiide attee.

¹¹ Xoossaa Maxaafay, “Aani ammaniyaa ooninne yeellatenna” yaagee.

¹² Ayihuda asaanne Ayihuda gidenna asaa giddon dummatethay baawa. Itti Xoossay ubbaa Godaa; I barena xeesiyaa ubbatoo daro keeka.

¹³ Ayissi gooppe, Xoossaa Maxaafay, “Godaa sunthaa xeesiyaa ooninne attana” yaagee.

¹⁴ Yaatina, unttunttu A ammanibeennawantta gidooppe, wooti A xeesanaw danddayiinoo? Qassi qaalaa sisibeennawanttu waani ammananaw danddayiinoo? Qaalaa odiyaawe dhayooppe, unttunttu waani sisanaw danddayiinoo?

¹⁵ Qassi qaalaa odiyaawanttu kiitettennan aggooppe, oosuu wooti odettanaw danddayii? Ayissi gooppe, Xoossaa Maxaafay, “Nashechchiyaa mishiraachchuwaa odiyaawanttu yuussay wooti lo77ii!” yaagee.

¹⁶ Shin unttunttu ubbay wonggalaw azazettibeykkino; ayissi gooppe Isiyaasi, “Ta Godaw, nuuni markkatteeddawaa ooni ammaneeddee?” yaageedda.